Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í flestum stærstu deildum Evrópu er nú opinn og geta lið enn styrkt sig fyrir utan þau sem spila í ensku úrvalsdeildinni.
Hér má sjá pakka dagsins.
Unai Emery, stjóri Arsenal, vill fá meira frá hinum 29 ára gamla Mesut Özil sem var ekki með gegn West Ham um helgina. (Mirror)
Danny Rose, leikmaður Tottenham, gæti verið á leið til Marseille í Frakklandi en hann vill ekki missa sæti sitt í enska landsliðinu. (Star)
Tottenham hafði áhuga á að fá bæði Juan Mata og Anthony Martial frá Manchester United í sumar en það var ekki möguleiki. (MEN)
Atletico Madrid vill fá 30 milljónir evra fyrir bakvörðinn Filipe Luis sem er á óskalista Paris Saint-Germain. (AS)
Gennaro Gattuso, stjóri AC Milan, segir að Tiemoue Bakayoko verði að læra ‘einföldu hlutina’ eftir 3-2 tap gegn Napoli um helgina. (Eurosport)
Theo Walcott, leikmaður Everton, vonast til að fá annað tækifæri með enska landsliðinu eftir tveggja ára fjarveru. (Independent)
West Ham hefur fengið tilboð frá AZ Alkmaar en hollenska félagið vill fá miðjumanninn Reece Oxford. (Mail)
