Pep Guardiola, stjóri Manchester City, hrósaði framherjanum Sergio Aguero eftir 6-1 sigur á Huddersfield í gær.
Guardiola og félagar unnu sannfærandi sigur á Etihad vellinum en Aguero gerði þrennu í leiknum.
Guardiola og Aguero hafa unnið saman í þrjú tímabil en Spánverjinn hefur aldrei séð sinn mann eins og hann er í dag.
,,Ég hef ekki séð hann svona síðan ég kom hingað og tók við liðinu,“ sagði Guardiola við blaðamenn.
,,Hann er í ótrúlegu standi með boltann og þegar hann er ekki með boltann.“
