Jose Mourinho, stjóri Manchester United, hefur staðfest það að David de Gea sé að skrifa undir nýjan samning við félagið.
De Gea hefur margoft verið orðaður við Real Madrid síðustu ár en nú þykir ljóst að hann sé ekki á förum þangað eftir kaup liðsins á Thibaut Courtois.
De Gea er að fá væna launahækkun á Old Trafford en Mourinho býst við að hann skrifi undir á næstunni.
,,David er leikmaður Manchester United og hann mun skrifa undir nýjan samning eins fljótt og hægt er,“ sagði Mourinho.
,,Honum líkar lífið hérna og við elskum hann. Við viljum halda honum og hann vill vera hér áfram.“
