Unai Emery, stjóri Arsenal, virðist hafa staðfest það í kvöld hver verður markvörður númer eitt á leiktíðinni.
Petr Cech byrjaði í marki Arsenal í 2-0 tapi gegn Manchester City í dag en Bernd Leno var varamarkvörður liðsins.
Leno var keyptur frá Leverkusen í sumar en hann þarf þessa stundina að bíða eftir tækifærinu.
,,Leno er að byrja hérna og hann leggur hart að sér. Hann átti gott undirbúningstímabil en getur beðið eftir tækifærinu,“ sagði Emery.
,,Petr Cech er að standa sig mjög vel. Hann spilaði vel í dag. Hann er með reynslu í að verja þetta mark.“
