Tottenham er búið að leggja fram tilboð í miðjumanninn Jack Grealish en Sky Sports greinir frá þessu í dag.
Grealish er á óskalista margra liða þessa stundina en Tottenham og Chelsea eru talin líklegust til að næla í hann.
Tottenham ákvað í dag að byrja ballið og hefur boðið 15 milljónir punda í leikmanninn.
Talað var um að Aston Villa myndi vilja fá 40 milljónir punda fyrir Grealish sem er þó talin vera allt of há upphæð.
Tottenham er sagt tilbúið að fara upp í 25 milljónir punda en vonar að fyrsta tilboðið muni þó duga til.
