Jurgen Klopp, stjóri Liverpool ætlar sér ekki að þjálfa lengi en hann greindi frá þessu á blaðamannafundi í dag.

Klopp stýrir Liverpool í dag og er með samning við enska félagið til ársins 2022 en hann veit ekki hvað hann ætlar að gera eftir það.

Klopp tók við liðinu árið 2015 af Brendan Rodgers og hefur verið mikill stígandi hjá liðinu undir stjórn Þjóðverjans en Liverpool er meðal annars komið í undanúrslit Meistaradeildarinnar.

„Ég elska það sem ég geri en það getur tekið á. Þetta er vinna, líkt og allt annað í lífinu en stærsti munurinn á þessu og venjulegu starfi er sá að við erum mikið í sviðsljósinu,“ sagði Klopp.

„Nýt ég þess að vera í sviðsljósinu? Nei ég get ekki sagt það og í sannleika sagt þá yrði ég mjög glaður ef ég væri ekki í sviðsljósinu lengur. Það truflar mig ekki ef að fólk man ekki eftir mér í framtíðinni. Það væri í raun bara draumur fyrir mig.“

„Þetta er vel borgað sem gerir þetta bærilegra. Mér er illt í bakinu á morgnanna þegar að ég vakna og ég finn reglulega fyrir eymslum í hásli. Ég þarf ekki fótboltann til þess að vera ánægður með lífið. Ég elska fótbolta en hann er ekki nauðsynlegur hluti af lífi mínu.“

„Einn daginn kemur að því að ég muni kalla þetta gott en það verður alltaf maður sem getur komið inn og tekið við af mér og ég ætla mér ekki að þjálfa langt um aldur fram,“ sagði hann að lokum.