Rafa Benitez, stjóri Newcastle ætlar að fara með leikmenn sína til Spánar í sólina um næstu helgi.
Newcastle tekur á móti Southampton í ensku úrvalsdeildinni á morgun klukkan 15:00 en næsti leikur liðsins er svo gegn Huddersfield um næstu mánaðarmóti.
Benitez ætlar því að nota tímann og fara með leikmenn sína í æfingaferð til Spánar og æfa í hitanum þar en liðið er í sextánda sæti deildarinnar með 29 stig.
„Ég er ekki að bara að hugsa um sólina á Spáni,“ sagði Benitez.
„Ég get þannig séð farið með liðið hvenær sem er en við eigum ekki leik í 21 dag og það er langur tími.“
„Ég er ekki hrifinn af því að taka leikmennina frá fjölskyldum sínum en þetta verða fjórir dagar og ekkert partý,“ sagði hann að lokum.
