Þrátt fyrir að hafa bara spilað 16 mínútur í Meistaradeildinni í ár gæti Zlatan Ibrahimovich þénað rosalegar upphæðir ef United vinnur deildina.
United er í 16 liða úrslitum og er í einvígi við Sevilla, fyrri leikurinn á Spáni var markalaus.
Liðin mætast aftur í næstu viku á Old Trafford og gæti Zlatan komið við sögu.
Zlatan tók á sig hressilega launalækkun síðasta sumar þegar hann var meiddur.
Zlatan var með um 350 þúsund pund á viku en er í dag með 180 þúsund pund á viku.
Hann fær hins vegar 2 milljónir punda í bónusa ef United vinnur Meistaradeildina, tæpar 300 milljónir.
