Winston Reid, varnarmaður West Ham mun missa af restinni af tímabilinu en þetta var tilkynnt í dag.
Reid meiddist illa í leik West Ham og Swansea um helgina en leiknum lauk með 4-1 sigri Swansea.
Varnarmaðurinn rotaðist í leiknum og snéri illa upp á hnéð á sér og nú er ljóst að hann mun ekki spila meira á leiktíðinni.
West Ham situr sem stendur í fjórtánda sæti deildarinnar með 30 stig, þremur stigum frá fallsæti.
