Sergej Milinkovic-Savic, miðjumaður Lazio er afar eftirsóttur þessa dagana.
Leikmaðurinn er sterklega orðaður við Manchester United en ítalska félagið vill fá í kringum 140 milljónir punda fyrir Savic.
United er sagt tilbúið að borga þessa upphæð en Jose Mourinho ætlar sér að bæta við miðjumönnum á Old Trafford í sumar.
Serbinn er hins vegar afar eftirsóttur en bæði PSG og Real Madrid hafa mikinn áhuga á honum líka samkvæmt enskum miðlum.
Hann hefur verið magnaður á þessari leiktíð og hefur skorað 11 mörk og lagt upp önnur 7 fyrir liðsfélaga sína.
