Marouane Fellaini, miðjumaður Manchester United verður samningslaus í sumar.
Hann hefur ekki viljað skrifa undir nýjan samning við United og nú bendir allt til þess að hann sé á förum frá félaginu þegar samningur hans rennur út.
TalkSport greinir frá því í dag að Monaco og Valencia séu nú búin að blanda sér í baráttuna um leikmanninn.
Þá hafa lið á Ítalíu og í Þýskalandi sýnt honum áhuga og því ljóst að það verður hart barist um leikmanninn í sumar.
Fellaini kom til United árið 2013 en honum tókst aldrei að vinna stuðningsmenn liðsins á sitt band.
