HM í Rússlandi fer fram í sumar en opnunarleikur mótsins verður spilaður þann 14. júní næstkomandi þegar Rússar taka á móti Sádi Arabíu.
Ísland er með á mótinu í fyrsta sinn en Íslendingar fengu fyrir hjartað á dögunum þegar Gylfi Þór Sigurðsson, miðjumaður íslenska liðsins meiddist í leik með Everton.
Ísland mætir Argentínu í sínum fyrsta leik á mótinu en sá leikur fer fram þann 16. júní en Ísland leikur í D-riðli mótsins ásamt Króatíu og Nígeríu.
Sky Sports tók saman áhugaverðan lista yfir stórstjörnur sem gætu misst af mótinu en í umsögn um Gylfa segir meðal annars:
„Sigurðsson er kannski ekki jafn þekkt nafn og Neymar í knattspyrnuheiminum en hann er jafn mikilvægur Íslandi og Neymar er mikilvægur Brasilíu,“ segir í umfjöllun Sky.
„Ísland er með á HM í fyrsta sinn en í fyrsta var talið að Gylfi yrði frá í sex til átta vikur. Sam Allardyce, stjóri Everton greindi hins vegar frá því að Gylfi gæti náð síðustu leikjum tímabilsins,“ segir að lokum.
Hér fyrir neðan má sjá lista Sky Sports yfir þá leikmenn sem gætu misst af HM í sumar vegna meiðsla.
Harry Kane – England
Harry Winks – England
Neymar – Brasilía
Gylfi Þór Sigurðsson – Ísland
Manuel Neuer – Þýskaland
Filipe Luis – Brasilía
Juan Cuadrado – Kólumbía
