Manchester United hefur rift samningi sínum við Zlatan Ibrahimovic en þetta var tilkynnt núna rétt í þessu.
Zlatan er að ganga til liðs við LA Galaxy sem spilar í bandarísku MLS-deildinni.
Hann spilaði síðast með United þegar liðið mætti Burnley í ensku úrvalsdeildinni þann 26. desember.
Núverandi samningur hans átti að renna út í sumar en félagið ákvað að rifta honum svo leikmaðurinn gæti farið til Bandaríkjanna.
Hann var algjör lykilmaður á Old Trafford á síðustu leiktíð en hefur lítið spilað með liðinu á þessari leiktíð vegna meiðsla.
