Ísland mætir Mexíkó í vináttuleik á morgun en leikurinn hefst klukkan 2:00 að íslenskum tíma.

Leikurinn fer fram á Levi’s Stadium, heimavelli San Francisco 49ers en völlurinn tekur um 70 þúsund manns í sæti.

Uppselt er á leikinn en Heimir Hallgrímsson, þjálfari íslenska liðsins var mættur á blaðamannafund í dag þar sem hann ræddi leikinn mikilvæga gegn Mexíkó.

„Þetta er tilvalinn leikur til þess að sjá leikmenn sem hafa kannski ekki spilað mikið á móti sterku liði Mexíkó. Það er enginn að fara stimpla sig út í þessu verkfni,“ sagði Heimir.

Gylfi Þór Sigurðsson, mikilvægasti leikmaður íslenska liðsins er meiddur þessa stundina og var Heimir Hallgríms spurður út í fjarveru hans á blaðamannafundinum.

„Hann ætti ekki að vera frá í langan tíma. Hann er mikilvægur fyrir liðið en þetta setur þó ekki allt úr skorðum hjá okkur. Við höfum þurft að bregðast við öðru eins áður. Það gæti orðið áhugavert að sjá strákana spila án hans,“ sagði Heimir.

Ísland mætir Argentínu í fyrsta leik sínum á mótinu og er Heimir spenntur fyrir verkefninu.

„Við höfum reynslu af stórum leikjum á stórtmóti. Við mættum Ronaldo og Portúgal í fyrsta leik á EM. Messi og Argentína verða því engin ofraun fyrir okkur. Hópurinn hefur trú á eigin getu og verkefninu og við vitum hvað við þurfum að gera til þess að ná í úrslit,“ sagði Heimir að lokum.

Tilvalinn leikur til að sjá leikmenn sem hafa spilað minna spila á móti sterkri þjóð segir Heimir. Enginn stimplar sig út í þessu verkefni. Mexíkó spilar hratt og liðið þarf að vera fljótara að gera það sem það hefur gert vel hingað til.

— RÚV Íþróttir (@ruvithrottir) March 22, 2018

Erlendir fjölmiðlar eru forvitnir um stöðuna á Gylfa Sigurðssyni sem er meiddur. Þetta ætti ekki að taka langan tíma segir Heimir. Hann er mikilvægur fyrir liðið en setur þó ekki allt úr skorðum. Liðið hefur þurft að bregðast við öðru eins.

— RÚV Íþróttir (@ruvithrottir) March 22, 2018

Jafnvel áhugavert að sjá liðið spila án Gylfa, þá þekkja strákarnir það.

— RÚV Íþróttir (@ruvithrottir) March 22, 2018

Ísland hefur reynsluna af stórum fyrsta leik á stórmóti – eftir að hafa mætt Ronaldo og Portúgal í fyrsta leik á EM. Messi og Argentína verður því engin ofraun. Hópurinn hefur trú á sér og verkefninu og vita hvað til þarf.

— RÚV Íþróttir (@ruvithrottir) March 22, 2018