Jurgen Klopp, stjóri Liverpool vill fá Julian Draxler, sóknarmann PSG til félagsins í sumar en það eru enskir miðlar sem greina frá þessu.

Klopp þekkir vel til Draxler en hann spilaði með Schalke og Wolfsburg í Þýskalandi áður en hann fór til PSG.

Hann hefur ekki átt fast sæti í liðinu á þessari leiktíð eftir komu Kylian Mbappe og Neymar og gæti því verið opinn fyrir því að reyna fyrir sér annarsstaðar.

Klopp vill styrkja leikmannahóp liðsins í sumar og hafa nokkrir sóknarmenn verið orðaðir við félagið að undanförnu, þar á meðal Thomas Lemar, sóknarmaður Monaco.

Draxler hefur komið við sögu í 26 leikjum með PSG í deildinni á leiktíðinni þar sem hann hefur skorað 3 mörk og lagt upp önnur 5.