Alan Shearer sérfræðingur BBC segir að Liverpool og Tottenham séu í skugga Jose Mourinho og Manchester United.
United er í öðru sæti deildarinnar en liðið vann góðan 2-1 sigur á Liveprool um helgina.
United hefur því fjögurra stiga forskot á Tottenham en fimm stig á Liverpool.
,,Það eru merki á lofti um að United sé að snúa aftur á toppinn undir stjórn Jose Mourinho,“ sagði Shearer.
,,Eftir allt hrósið sem Liverpool og Tottenham hafa fengið í ár þá eru þau í skugga United sem er næst besta liðið á eftir City.“
,,Það er ekki alltaf brjálað fjör en United spilar árangursríkan fótbolta.“
