Alexis Sanchez, sóknarmaður Manchester United gekk til liðs við félagið í janúarglugganum.
Hann kom til United í skiptum fyrir Henrikh Mkhitaryan sem fór til Arsenal og varð Sanchez um leið launahæsti leikmaður félagsins.
Sanchez hefur hins vegar ekki náð þeim hæðum sem flestir reiknuðu með að hann myndi ná hjá félaginu og hafa margir gagnrýnt hann fyrir frammistöðu sína með United.
„Við erum ekki að ná því besta útúr honum og ástæðan fyrir því er einföld,“ sagði Mourinho.
„Hann kom á versta mögulega tímanum á leiktíðinni, í janúarglugganum. Það er ástæðan fyrir því að ég er ekki hrifinn af janúarglugganum en þetta var tækifæri sem við gátum ekki hafnað.“
„Honum líður vel og hann er ánægður. Hann verður allt annar leikmaður á næstu leiktíð, því get ég lofað,“ sagði hann að lokum.
