Daniel Sturridge framherji Liverpool er í láni hjá West Brom en ferill hans þar er ekki að ná neinu flugi.
Sturridge meiddist á dögunum í leik gegn Chelsea og varð að fara snemma af velli.
Framherjinn tognaði aftan í læri og meiðslin eru verri en haldið var í fyrstu.
West Brom var að vona að Sturridge yrði klár í byrjun mars en svo verður ekki.
Sagt er að Sturridge verði frá í minnsta kosti mánuð í viðbót en meiðsli eru helsta ástæða þess að Sturridge er ekki einn af betri framherjum deildarinnar.
