Ian Wright fyrrum framherji Arsenal segist heyra af því að leikmenn Arsenal mæti heldur frjálslega á æfingar liðsins.

Mikil lætir eru í kringum Arsenal eftir stórt tap gegn Manchester City í úrslitum deildarbikarsins.

Menn telja Arsene Wenger á endastöð með liðið og sögur heyrast um að hann láti af störfum í sumar.

,,Maður heyrir af ungum leikmönnum sem eru að koma inn í hópinn sem mæta of seint á æfingar,“ sagði Wright.

,,Maður heyrir af því að það þurfi að fara heim til leikmanna og sækja þá svo þeir mæti á æfingar, leikmenn mæta ekki á æfingar og hringja sig inn vieka.“

,,Þetta eru hlutir sem heyrast og gætu útskýrt öll vandamálin.“