,,Þetta getur ekki haldið áfram,“ skrifar Garth Crooks hjá BBC um stöðu Manchester United og hjá Jose Mourinho.
Mourinho er í holu enda hefur United ekki verið að ná þeim árangri sem ætlast er til.
Crooks segir að Mourinho sé að drepa Marcus Rashford sóknarmann liðsins.
,,Hann er að drepa Rashford, hann bjargaði liðinu gegn Southampton en samt fær hann högg frá Mourinho. Það var glórulaust.“
Crooks segir að Rashford sé að fara sömu leið og Arjen Robben fór hjá Mourinho hjá Chelsea.
,,Hann er að gera það sama með Rashford og hann gerði við Robben hjá Chelsea, Rashford þarf að fara frá United áður en honum verður slátrað.“
