Samkvæmt enskum blöðum í dag hefur Jose Mourinho stjóri Manchester United fengið grænt ljós á það að kaupa miðvörð í janúar.
Mourinho var ekki sáttur með stjórn United í sumar, þegar félaginu mistókst að kaupa fyrir hann miðvörð.
Mourinho vill fá Toby Alderweireld frá Tottenham og hann gæti verið til sölu í janúar.
Miðvörðurinn hefur ekki viljað skrifa undir nýjan samning við Tottenham og gæti því farið í upphafi árs.
Sagt er að stjórn United hafi gefið Mourinho grænt ljós á að kaupa hann ef tækifæri gefst til.
