Það heldur áfram að anda köldu á milli Jose Mourinho stjóra Manchester United og Paul Pogba miðjumanns félagsins.

Mourinho er ekki sáttur með framlag Pogba en miðjumaðurinn virðist varla nenna að leggja sig fram.

Þeir félagar hafa átt í deilum á þessu tímabili og það hélt áfram eftir 2-2 jafntefli við Southampton um helgina.

Mourinho lét Pogba heyra það eftir leik og kallaði hann meðal annars vírus.

Times segir að ástæðan fyrir því að allt hafi soðið upp úr, var að Pogba fór að gagnrýna Mourinho.

Hann sagði við stjóra sinn að taktík hans væri að skemma fyrir liðinu og að hann hefði engan til að senda á fram völlinn, það væri vegna þess að framherjar liðsins myndu ekki fá neitt frjálsræði til að hreyfa sig.