Jose Mourinho stjóri Manchester United er með menn að vakta Instagram og færslur leikmanna þar.
Mourinho hjólaði í Paul Pogba á dögunum fyrir Instagram færslu og nú er það Antonio Valencia.
Valencia er meiddur en setti Instagram færslu um að hann væri að leggja mikið á sig.
,,Ég horfði á fyndna færslu frá Antonio, þar sem hann segir að hann sé á fullu,“ sagði Mourinho.
,,Hann ætti að láta vita að hann er einn, hann er meiddur og getur ekki æft með liðinu.“
,,Það var eins og hann væri á fullu, ekki með bolta og ekki með liðinu. Hann er ekki klár.“
Valencia líkaði einnig við færslu á dögunum, þar var gert lítið úr Mourinho.
