Paul Ince, fyrrum leikmaður Manchester United er mjög óhress með leikmenn félagsins í dag og sakar þá um að leggja sig ekki fram.
Ince segir að leikmenn United virðist ekki nenna að leggja sig fram svo að stjórinn, Jose Mourinho verði rekinn.
Sambnad Mourinho við leikmenn félagsins virðist vera slæmt, hann virðist hafa tapað klefanum.
,,Allir leikmenn ættu að leggja sig fram og vera viljugir til þess að vinna,“ sagði Ince.
,,Það er ekki til afsökun fyrir því að leggja sig ekki fram, þetta eru atvinnumenn, með rosaleg laun. Þeir spila fyrir eitt stærsta félag í heimi.“
,,Það virkar á alla eins og þeim sé alveg nákvæmlega sama, það eru kannski einhverjir að reyna en það verða allir að leggja sig fram.“
,,Það virkar eins og þeir hafi ekki áhuga á að spila fyrir Mourinho og spili þess vegna svona. Það pirrar mig að sjá að það virðist gleðja þá að Mourinho fær skellinn, þeir bera ábyrgðina með spilamennsku sinni.“
