Það var boðið upp á fjörugan leik á Old Trafford í gær er lið Manchester United fékk Everton í heimsókn.
Dramatíkin byrjaði í fyrri hálfleik er United fékk vítaspyrnu er Anthony Martial féll í vítateig gestanna en dómurinn er talinn umdeildur. Paul Pogba steig á punktinn en Jordan Pickford varði þó vítaspyrnu hans. Það kom ekki að sök því Pogba náði frákastinu og skoraði.
Staðan var 1-0 eftir fyrri hálfleik en snemma í þeim síðari bætti Martial sjálfur við öðru marki United með fallegu skoti sem hann sneri í fjærhornið. Staðan var 2-0 þar til á 77. mínútu leiksins er Gylfi Þór Sigurðsson minnkaði muninn fyrir Everton úr vítaspyrnu.
Chris Smalling hafði gerst brotlegur innan teigs en hann fór þá í klunnalega tæklingu og felldi Brasilíumanninn Richarlison.
Enskir fjölmiðlar höfðu samband við enska sambandið og spurður hvort dýfa, Anthony Martial yrði skoðuð. Það verður ekki en enska sambandið getur refsað leikmönnum fyrir dýfur.
