Jose Mourinho stjóri Manchester United hefur greint frá því hvað hann sagði við leikmenn sína eftir 2-2 jafntefli við Chelsea um helgina.
Liðin gerðu jafntefli í fjörugum leik en Ross Barkley jafnaði fyrir Chelsea í uppbótartíma.
,,Það sem ég sagði við leikmenn mína var að reyna að ná því besta fram úr þeim tilfinningum sem voru eftir leik,“ sagði Mourinho.
,,Ég sagði þeim að halda í gleðina og stoltið vegna þess hversu góð frammistaðan var, hún á að gefa þeim sjálfstraust.“
,,En ég sagði þeim líka að halda í reiðina vegna þess hvernig úrslitin voru, til að halda sér gangandi og spila svona leik aftur.“
