Jose Mourinho stjóri Manchester United ætlar ekki að fagna eins og brjálæðingur ef vel gengur gegn Chelsea á morgun.
Mourinho hefur í tvígang stýrt Chelsea og það með frábærum árangri. Liðin mætast í hádeginu á morgun.
,,Þetta er bara annar leikur fyrir mig, mun ég fagna eins og brjálæðingur ef við skorum eða vinnum? Ég held ekki,“ sagði Mourinho.
,,Ég reyni að stjórna því, ég virði völlinn og stuðningsmennina. Þeir studdu mig í mörg ár, ég yrði að tapa mér til að fagna þarna.“
,,Ég hugsa alltaf um hvar ég sé staddur, þetta er samt bara venjulegur leikur. Ég vil gera vel fyrir leikmennina, mitt lið og mína stuðningsmenn.“
,,Ég er 100 prósent Manchester United.“
