Leikmenn Manchester United hafa fengið nóg af gagnrýni frá gömlum hetjum félagsins.

Paul Scholes hefur verið hvað duglegastur við að gagnrýna leikmenn félagsins í dag. Gary Neville og Rio Ferdinand hafa einnig látið í sér heyra.

Paul Pogba, Romelu Lukaku og Alexis Sanchez hafa fengið að heyra það.

Ensk blöð segja að leikmenn liðsins í dag hafi fengið nóg af þessum röddum og vilja að þetta stoppi.

Einnig er sagt að leikmenn United í dag séu duglegir að deila myndböndum sín á milli með mistökum frá gömlum hetjum.

Þar gera þeir grín sín á milli af mönnum sem eru hvað duglegastir að gagnrýna mistök þeirra í dag.