Alisson Becker markvörður Liverpool átti mjög erfitt með að ganga í raðir félagsins í sumar, hann elskaði líf sitt í Róm.
Alisson kom til Liverpool frá Roma í sumar og hefur staðið vaktina vel í marki Liverpool.
Hann elskaði lífið utan vallar í Róm og því var hann í efa um að fara frá félaginu.
,,Að fara frá Roma var mjög erfitt, ég grét lengi með eiginkonu minni,“ sagði Alisson.
,,Ég ákvað að velja hvað var best fyrir ferilinn minn, skrefið var gott og Róma fékk góða fjárhæð.“
,,Hausinn sagði mér að fara til Liverpool en hjarta mitt var fullt af tárum. Ég átti tvö mögnuð ár í Róm, dóttir mín fæddist þarna. Ég á marga vini fyrir utan fótboltann þar.“
