Philippe Coutinho hefur formlega gengið í raðir Barcelona en hann stóðst læknisskoðun fyrr í dag.

Coutinho skrifaði í dag þessu undir fimm og hálfs árs samning við Barcelona.

Barcelona borgar 142 milljónir punda fyrir þenann öfluga leikmann.

Coutinho var í fimm ár hjá Liverpool og þróaðist í einn af betri leikmönnum deildarinnar.

,,Ég vil þakka öllum fyrir, ég er að lifa drauminn,“ sagði Coutinho á fréttamannafundi í dag.

,,Ég vil þakka stjórn Barcelona fyrir að vera þolinmóðir, ég vil líka þakka Liverpool fyrir og stuðningsmönnum félagsins sem skilja að þetta var draumur minn.“

,,Ég lét vita strax frá byrjun hvað ég vildi gera, ég vil þakka öllum sem skilja mig. Ég vil þakka Liverpool fyrir en nú vil ég bara spila fótbolta,“ sagði Coutinho sem verður frá í þrjár vikur vegna meiðsla.