Philippe Coutinho, sóknarmaður Liverpool er að ganga til liðs við Barcelona en þetta fullyrða spænskir fjölmiðlar í dag.

Samkvæmt Sport er kaupverðið talið vera í kringum 140 milljónir punda en Liverpool mun fá 105 milljónir strax og svo 35 milljónir í formi bónusa.

Liverpool og Barcelona eru sögð vera búin að semja um kaupverðið á leikmanninum og mun hann skrifa undir fimm ára samning við spænska félagið.

Coutinho verður því þriðji dýrasti leikmaður sögunnar, á eftir þeim Neymar og Kylian Mbappe.

Félagskiptin verða tilkynnt á allra næstu dögumen það kom ekki til greina hjá Coutinho að klára tímabilið með Liverpool.