Philippe Coutinho, sóknarmaður Liverpool er á förum frá félaginu en frá þessu greina spænskir fjölmiðlar í dag.

Liverpool og Barcelona virðast loksins vera búin að ná samkomulagi um kaupverðið á leikmanninum en það er talið vera í kringum 140 milljónir punda.

Coutinho fór ekki í æfingaferð með liðsfélögum sínum til Dubai í dag en það er Liverpool Echo sem greinir frá þessu.

Það stefnir því allt í að félagaskiptin muni ganga í gegn um helgina en hann mun krota undir fimm ára samning við Barcelona.

Coutinho verður þriðji dýrasti knattspyrnumaður heims, á eftir þeim Neymar og Kylian Mbappe.