Liverpool tók á móti Everton í enska FA-bikarnum í kvöld en leiknum lauk með 2-1 sigri heimamanna.

James Milner kom Liverpool yfir á 35. mínútu með marki úr vítaspyrnu og staðan því 1-0 í hálfleik.

Gylfi Þór Sigurðsson jafnaði metin fyrir Everton með frábæru skoti um miðjan síðari hálfleikinn áður en Virgil van Dijk tryggði sínum mönnum sigur með skallamarki á 84. mínútu og lokatölur því 2-1 fyrir Liverpool.

Jurgen Klopp, stjóri Liverpool var að vonum afar sáttur með sigur sinna manna í kvöld.

„Þetta var ekki fallegati fótboltaleikur sögunnar en þetta var alvöru barátta. Ég er mjög sáttur með hugarfar leikmannanna. Everton varðist vel og þeir reyndu að spila fótbolta og það var allt annað að sjá þá en þegar að þeir komu hingað síðast,“ sagði Klopp.

„Jöfnunarmarkið sem þeir skora kom eftir verstu dekkun sem ég hef séð á ævi minni. Það var erfitt að átta sig á því hvað leikmennir voru að hugsa en það er mikilvægt að svara svona mistökum og við gerðum það. Frábært fyrir Van Dijk að skora í sínum fyrsta leik og ég er mjög sáttur.“

„Fyrir mér þá var þetta ekki víti sem við fengum í kvöld, alveg eins og vítið sem Everton fékk gegn okkur um daginn,“ sagði Klopp að lokum.