Steven Gerrard, fyrrum fyrirliði Liverpool spáði fyrir um brotthvarf Philippe Coutinho frá félaginu árið 2015 í ævisögu sinni, Mín Saga.
Cutinho er sterklega orðaður við Barcelona þessa dagana en fjölmiðlar á Englandi vilja meina að það sé einungis tímaspursmál hvenær hann fer.
Gerrard var alveg viss um að Coutinho myndi fara til Barcelona, einn daginn en hann hefur verið algjör lykilmaður á Anfield, undanfarin ár.
„Hann er nýbúinn að skrifa undir nýjan samning og hann og eiginkona hans eru ánægð hérna,“ sagði Gerrard árið 2015.
„Ég veit hins vegar að spænsku risarnir, Barcelona og Real Madrid munu koma bankandi á dyrnar eftir nokkur ár, alveg eins og með Luis Suarez.“
„Þá fyrst verður erfitt fyrir Liverpool að halda honum því leikmenn frá Suður Ameríku og Spáni dreymir alla um að spila fyrir þessi tvö félög,“ sagði hann að lokum.
