WBA íhugar nú að selja Jonny Evans, varnarmann liðsins en það er Mirror sem greinir frá þessu.
Manchester City og Manchester United hafa bæði áhuga á leikmanninum sem kom til WBA frá United árið 2015.
Evans hefur verið fyrirliði liðsins að undanförnu en ef hann vill ekki framlengja samning sinn við félagið þá er WBA tilbúið að selja.
Samningur hans rennur út sumarið 2019 og er félagið sagt tilbúið að selja hann fyrir 15 milljónir evra.
Hann hefur verið sterklega orðaður við Manchester City að undanförnu en Pep Guardiola er sagður mikill aðdáandi leikmannsins.
