Emre Can, miðjumaður Liverpool er sterklega orðaður við brottför frá félaginu þessa dagana.
Samningur hans við enska félagið rennur út í sumar og er honum nú frjálst að ræða við önnur félög.
Juventus hefur mikinn áhuga á leikmanninum sem hefur ekki viljað skrifa undir nýjan samning við félagið.
Liverpool er sterklega orðað við Leon Goretzka, miðjumann Schalke en hann verður líka samningslaus, næsta sumar.
Samkvæmt miðlum í Þýskalandi og á Englandi er Jurgen Klopp, stjóri Liverpool að treysta á það að Goretzka semji við Liverpool og telur þýski stjórinn sig hafa fundið arftaka Can í Goretzka.
