Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í stærstu deildum Evrópu hefur opnað á nýjan leik.
Það má því búast við svakalegu fjöri næstu daga.
—————-
Zlatan Ibrahimovic mun ganga til liðs við LA Galaxy næsta sumar. Hann er að snúa tilbaka eftir meiðsli. (ESPN)
Antonio Conte segir að hann verði að vera með þrjá framherja í hóp ef hann á að eiga möguleika á því að vinna til verðlauna á tímabilinu. (Express)
Joe Hart er staðráðinn í að finna sér annað lið áður en glugginn lokar en hann fær ekkert að spila hjá West Ham. (Times)
Andre Ayew gæti einnig verið á förm frá West Ham en Swansea hefur áhuga á honum. (Sun)
Manchester United hefur blandað sér í baráttuna um Arturo Vidal, miðjumann Bayern Munich. (Mirror)
Stoke City þarf að borga uppsett verð fyrir Badou Ndiaye. (Sun)
Olivier Giroud má fara til Chelsea ef enska félagið borgar 35 milljónir punda fyrir hann. (Mail)
Antonio Conte vill halda Michy Batshuayi, framherjaliðsins en hann hefur verið orðaður við brottför frá félaginu að undanförnu. (Evening Standard)
