Chelsea er að klára kaupin á þeim Edin Dzeko og Emerson Palmieri en það er Mail sem greinir frá þessu í dag.
Kaupverðið á þeim tveimur er sagt vera í kringum 44 milljónir punda en Antonio Conte hefur verið að leita að hávöxnum framherja að undanförnu.
Dzeko er að verða 32 ára gamall og er einn af launhæstu leikmönnum Roma og því er félagið opið fyrir því að láta hann fara.
Palmieri er 23 ára gamall vinstri bakvörður en félagið vill fá hann til þess að berjast við Marcos Alonso um stöðuna.
