Jurgen Klopp, stjóri Liverpool greindi frá því á dögunum að hann ætlaði sér ekki að kaupa nýjan leikmann til þess að leysa Philippe Coutinho af hólmi.

Coutinho yfirgaf Liverpool á dögunum og samdi við Barcelona en spænska félagið borgaði Liverpool um 145 milljónir punda fyrir hann.

Klopp segist vera tilbúinn að eyða peningum ef réttur leikmaður finnst en hann reiknar ekki með því að styrkja hópinn frekar í janúarglugganum og ástæðan fyrir því er einföld.

„Við erum að fá Adam Lallana aftur, hann er kannski ekki arftaki Coutinho en það er gott að fá hann aftur. Hann er miðjumaður sem getur sótt og búið til, líkt og Coutinho,“ sagði Klopp.

„Hefur hann sömu eiginlega og Coutinho? Nei kannski ekki en hann er góður leikmaður og það er ýmislegt sem hann getur gert. Hann styrkir okkur og það er það sem skiptir máli.“

„Við erum líka með leikmenn eins og Oxlade-Chamberlain sem hefur verið að stíga upp. Milly getur hjálpað okkur og Gini líka. Þeir vilja allir bæta sinn leik og það er það sem þetta snýst um.“

„Auðvitað vil ég styrkja hópinn en ég vil ekki gera það í einhverju óðagoti, ég vil fá leikmenn sem styrkja okkur að sjálfsögðu en ég er að leita að ákveðnum leikmönnum og ef þeir eru ekki í boði þá er ég ekki að fara kaupa varaskeifu.“

„Ég met það þannig að ég sé með leikmenn til þess að gera þá hluti sem Coutinho var að gera og við skoðum svo stöðuna í sumar,“ sagði Klopp að lokum.