Ousmane Dembele, sóknarmaður Barcelona er klár í slaginn á nýjan leik.
Hann hefur verið frá í þrjá og hálfan mánuð vegna meiðsla í læri og hefur ekkert spilað síðan um miðjan september.
Dembele kom til Barcelona í sumar fyrir 105 milljónir evra sem gerir hann að næst dýrasta knattspyrnumanni heims.
Hann hefur aðeins komið við sögu í þremur leikjum með Barcelona á þessari leiktíð þar sem hann hefur lagt upp eitt mark.
Barcelona mætir Levante um helgina í spænsku úrvalsdeildinni og má fastlega reikna með því að Dembele komi við sögu í leiknum.
