Sadio Mane og Mohmed Salah verða til taks þegar liðið mætir Everton í enska bikarnum á föstudag.

Mane og Salah verða hins vegar á fimmtudaginn mættir til Ghana. Þar verður knattspyrnumaður ársins í Afríku kjörinn.

Salah og Mane eru tilnefndir til sigurs og vildu ólmir fara á svæðið.

Jurgen Klopp gaf grænt ljós á það að en þeir ferðast með einkaþotu til að reyna að hafa allt sem best.

,,Það er allt skipulagt,“ sagði Jurgen Klopp stjóri Liverpool en flugið tekur sex klukkustundir aðra leið.

,,Við erum með tvo af þremur bestu leikmönnum Afríku og við sýnum því virðingu.“

,,Þeir hefðu ekki farið á leikdegi, við sofum á hóteli kvöldið fyrir leik en þeir sofa í flugvél. Það er munurinn.“