Rafa Benitez, stjóri Newcastle vissi að Amanda Staveley myndi ekki kaupa félagið af Mike Ashley fyrir þremur vikum síðan.
Ashley setti félagið á sölu í haust og hafði vonast til þess að vera búinn að selja það fyrir áramót.
Amanda Staveley fór fyrir hópi fjárfesta frá Mið-Austurlöndum sem höfðu áhuga á félaginu en þau voru ekki tilbúin að borga uppsett verð og því varð ekkert úr sölunni.
„Ashley sagði mér um daginn að yfirtakan myndi ekki ganga í gegn,“ sagði Benitez á blaðamannafundi.
„Það eru sirka þrjár vikur síðan ég vissi af þessu. Ég hef bara reynt að halda áfram að sinna mínu starfi.“
„Við fylgjumst með glugganum og ég reyni að undirbúa liðið eins vel og ég get fyrir leikina,“ sagði hann að lokum.
