Ítalskir fjölmiðlar biðu fyrir utan hótel Jose Mourinho í Manchester þegar hann kom af æfingu í kvöld.

Mourinho hefur nú í eitt og hálft ár búið á Lowry hótelinu og hann virðist ekkert vera á förum þaðan.

Mourinho er sagður vera að framlengja samning sinn til 2021 og gæti því búið á Lowry hótelinu í fimm ár ef hann færir sig ekkert.

Ítalskir fjölmiðlar biðu eftir Mourinho í kvöld og létu hann árita United treyju. Þeir sýndu honum svo aftan á treyjuna þar sem stóð nafn Antonio Conte.

Conte, stjóri Chelsea og Mourinho hafa verið í stríði í fjölmiðlum. Mourinho brosti og hafði gaman af.

Myndir af þessu.