Reading tók á móti D-deildarliði Stevenage í enska FA-bikarnum í gær en leiknum lauk með 3-0 sigri heimamanna. Jón Daði Böðvarsson var í byrjunarliði Reading í gær en hann gerði sér lítið fyrir og skoraði þrennu í leiknum.
Reading þurfti að skipta um búninga í hálfleik þar sem að aðal búningur liðsins þótti of líkur treyjum Stevenage. Jón Daði skoraði þrennuna því í mismunandi búningum í gær. Jaap Stam stjóri Reading hrósaði Jóni eftir leik.
,,Hann er leikmaður sem er alltaf að leggja mikið á sig, hann er að alltaf að bæta sig,“ sagði Stam.
,,Jón Daði vill byrja alla leiki og sanna sig, í þessum leik fékk hann tækifæri til þess.“
,,Hann hefur lagt mikið á sig, hann pressaði andstæðingana og sýndi gæði sín. Svo voru mörkin, ég verð að hrósa honum mikið.“
The gaffer was full of praise for @jondadi after he netted his first hat-trick in English football this evening…
Watch in full on iFollow: https://t.co/d3MhGxo2X1 pic.twitter.com/HN2JX3svv7
— Reading FC (@ReadingFC) January 16, 2018
