,,Ég veit ekki hvort þetta er rétt,“ sagði Jose Mourinho stjóri Manchester United um meintan áhuga félagsins Alexis Sanchez leikmanni Arsenal.
Sanchez er nú sterklega orðaður við Manchester United en Manchester City hefur einnig áhuga.
United er hins vegar tilbúið að greiða meira sem hefur orðið til þess að City er byrjað að bakka.
,,Ef einhver myndi tala um áhuga á leikmönnum mínum þá yrði ég ekki sáttur, Sanchez er leikmaður Arsenal. Þessa helgina spilar hann líklega fyrir Arsenal, það er ekki rétt að ræða um hann.“
,,Ég og eigendur United trúum ekki mikið á janúar gluggann, við ætlum ekki að kaupa bara til að kaupa. Við trúum ekki á það, ef það er leikmaður sem er hægt að fá í janúar, mars eða júlí þá reynir maður.“
,,Ég segi ekkert um Sanchez, ég get sagt að hann er magnaður leikmaður en hann er leikmaður Arsenal og ég á ekki að segja neitt meira.“
