Real Madrid hefur sett sig í samband við umboðsmenn Eden Hazard, sóknarmann Chelsea en það er Radio Montecarlo sem greinir frá þessu í dag.

Hazard er af mörgum talinn besti leikmaður ensku úrvalsdeildarinnar en hann hefur verið orðaður við Real Madrid, undanfarin ár.

Samkvæmt miðlum á Englandi hefur leikmaðurinn ekki viljað skrifa undir nýjan samning við Chelsea þar sem að hann er nú tilbúinn að fara til Spánar.

Það er ljóst að spænska félagið þarf að punga út góðri upphæð fyrir leikmanninn en hann er metinn á um 100 milljónir evra.

Hazard hefur komið við sögu í 26 leikjum með Chelsea á leiktíðinni þar sem hann hefur skorað 9 mörk og lagt upp önnur 4.