Það styttist í að Aron Einar Gunnarsson, fyrirliði Íslands og miðjumaður Cardiff verði leikfær.
Hann verður hins vegar ekki klár í slaginn þegar Cardiff tekur á móti Burnley á sunnudag. Þar verður Jóhann Berg Guðmundsson, í liði gestanna.
Aron hefur ekkert spilað síðan á HM í sumar en hann fékk lítið bakslag í síðustu viku. Hann hefur nú hafið æfingar á nýjan leik
,,Aron hefur æft með okkur í vikunni en hann getur ekki spilað á sunnudag,“ sagði Neil Warnock, stjóri Cardiff.
,,Hann hefur æft í vikunni og útlitið er bjart með hann, hann hefur sannað fyrir okkur hvers við höfum saknað síðustu vikur.“
