Toby Alderweireld varnarmaður Tottenham segist aldrei hafa viljað fara frá félaginu í sumar.
Alderweireld var mikið orðaður við önnur félög en hann verður samningslaus hjá Spurs næsta sumar.
Spurs gæti hins vegar framlengt samning hans um eitt ár en þá er hægt að kaupa varnarmanninn frá Belgíu á 25 milljónir punda.
,,Það voru allir að segja að ég vildi fara frá Tottenhma,“ sagði Alderweireld.
,,Það er ekki rétt, ég fékk þau skilaboð snemma í sumar að Tottenham vildi halda mér. Ég varð því að koma mér aftur í liðið, að komast aftur í byrjunarliðið.“
,,Ég reyni að hjálpa Tottenham með mínum hæfileikum, ég veit ekki hvað gerist með framtíð mína.“
Alderweireld verður í fullu fjöri á Laugardalsvelli í kvöld þegar Ísland og Belgía mætast í Þjóðadeildinni.
