Phil Thompson, fyrrum leikmaður Liverpool, segir að kaup liðsins á Xherdan Shaqiri gætu endað eins og kaupin á Mario Balotelli.

Balotelli gat lítið á Anfield eftir að hafa komið frá AC Milan og yfirgaf félagið frítt eftir að hafa kostað 16 milljónir punda.

Viðhorf Balotelli var hans helsta vandamál og vonar Thompson að hlutirnir verði ekki eins hjá Shaqiri.

,,Það eru nokkur vandamál með Shaqiri en hann getur tekið aukaspyrnur, hornspyrnur og er með hættulegar fyrirgjafir,“ sagði Thompson.

,,Hann er nú farinn í stærra félag en Stoke er. Ég held að það verði búist við eins miklu og má búast við af honum.“

,,Það er ódýrt að fá hann á 13 milljónir og ég vona að hlutirnir gangi vel hjá stráknum.“

,,Þetta gæti hins vegar verið annar Baltoelli eða þetta gæti verið annar Mane. Hann verður að læra þennan hápressuleik sem Klopp spilar og vill það sama frá öllum leikmönnum.“