Manchester United og Leicester City eigast við í ensku úrvalsdeildinni í kvöld en leikið er á Old Trafford.
Um er að ræða fyrsta leik tímabilsins í deildinni en fyrsta umferð fer fram um helgina.
Paul Pogba er fyrirliði United í leik kvöldsins en hann var sterklega orðaður við brottför frá félaginu í sumar.
Samkvæmt enskum miðlum reynir United að gera allt til þess að halda Pogba og fær hann í kjölfarið bandið.
Barcelona hefur mikinn áhuga á franska miðjumanninum sem er sjálfur sagður vera opinn fyrir því að fara annað.
